Ση μέσεν τούπ' ελάγγεψεν Απρίλτς και χαρεμένος, χωρίς να παίρ΄αναπνοήν, έναν χορόν επέρεν, ερχίνεσεν και χα αδά και χα εκεί τα χέρα τ΄και τα ποδάρα τ', εθαρρείς θ' εκόπουσαν τα μέσα τ' και είχεν χλωροτσίτσεκα απάν' ατ' παρχαρέτ'κα και σίτα 'γυρωκλόσκουτουν επρόφτεσεν και είπεν: "όθεν δαβαίνω και πατώ μυρίζ' μανουσακέαν". Και τακ εντώκεν τη μαντρί' την πόρταν και επέρεν δρόμον και πάει, ασάευτον Απρίλτς ο τσιτσεκίτσον. Ξάν εκ'σεν κάτ', ογλήγορα εξέβεν η ρομάνα, ολόερα τ'ς ετέρεσεν, πουδέν κανέναν'κ' είδεν. Είδεν τα δέντρα 'φύλλωσαν, τα χορταρόπα πλέον και τα παρχαροτσίτσεκα επλέθυναν κ' εκλώστεν επέρεν το αρνόπον ατ'ς κ' εξέβεν εξ' σον ήλεν.
Η. Τσιρκινίδης
Κ Α Λ Ο Μ Η Ν Α Υπομονή και θετική σκέψη ώστε να μην τρελαθούμε. Γιατί προς τα εκεί οδεύουμε.!!!!!!!!!!!!!!!
Δεν υπάρχουν σχόλια:
Δημοσίευση σχολίου